Madeira - hinn fljótandi blómapottur Atlantshafsins

Jæja við erum rúmlega hálfnuð yfir hafið stóra og erum komin á mjög klettótta eyjusem er eitt blómahaf. Farþegarnir hið besta fólk og allir fullir tilhlökkunar.Höldum að mörg ævintýri séu rétt handan við hornið.  Linda kom verulega sterk inn á leiðinni, bar bakka og þjónustaði gestina á þann hátt að freyjurnar fylltust eldmóð og lotningu, er greinilega ekki á réttum stað í lífinu...  Björg, orkuboltinn mikli búin að skipuleggja sleðaferð í kvöld, mikil ósköp hvað konan sú er dugmikil.  Haddi, nýkominn úr íslenskum vetrarkulda og snjó situr kappklæddur og smurður úr sólarvörn, stuðli 50, ætlar ekki að brenna (það er reyndar alskýjað og heilar 13 gráður).  Ekki má gleyma kokkunum knáu, Sigga og Halla.  Þeir vinna hátt í 20 tíma á dag, síbrosandi og yndislegir.  Maturinn hjá þeim er lystaverk útaf fyrir sig, “lekker” eins og Haddi segir og alveg ótrúglega góður.  

Tóti sinnir leiðangursstjórahlutverkinu af mikilli elju, hangir á hornunum nótt sem dag og kom okkur örugglega inn á flugbrautina hér sem hlaðin er á stöplum.

Annars er mikill hugur í okkur.....bíðum spennt eftir Afríku....Addis Ababa á morgun...hlökkum mikið til.

Madeira (Perla Atlantshafsins)

Madeira er staðsett 540 mílur suðvestur af Lissabon í Portugal.  Eyjan er 741 km2 að stærð og tilheyri Afríku landfræðilega séð.  Eyjan var uppgötvuð af Portúgölskum sjómönnum á 15. öld og er því Portúgölsk nýlenda og rekin sem sjálfstjórnarhérað  innan Portúgals.

Funcal er höfuðborg Madeira og eru íbúar u.þ.b. 100.000.

Madeira er þekkt fyrir vínframleiðslu og oft kölluð fljótandi blómaeyjan .  Eyjan dregur nafn sitt af lárviðarskógi  en Madeira þýðir viður á Portúgölsku.

“This is the only real city-city” as Truman Capote put it but if you are borned in New York it´s your own fault.

 

Jæja þá erum við öll búin að skúra og skeina í síðasta skiptið næstu 25 dagana.  Ekkert annað í stöðunni en að skilja allar áhyggjur eftir á klakanum og leyfa tilhlökkuninni að streyma inn.  Tókum við góðu búi af áhöfninni á FI-1444.  Keflavík var í Speedy gír þegar við mættum, tíminn notaður til að hreinsa og snurfusa þennan klukkutíma sem vélin stoppaði í sunny Kef.Erum varla búin að átta okkur á því að ferðin er hafin. Áhöfnin á FI-1444 sagði okkur að þetta líði ótrúlega fljótt og ferðin yrði búin áður en við vissum af. Þá er bara að byrja að njóta…!   Grátbólgnir farþegarnir úr heimsferðinni gengu um borð eftir kveðjustund í flugstöðinni, þeir voru í skýjunum  með sýna frábæru áhöfn. TF-FIA heimilið okkar að heiman rann mjúklega í loftið, flugið gekk eins og í sögu, byrjaði rólega flestir farþegarnir fengu sér siestu, að henni lokinni var borin fram fjögurra rétta máltíð með tilheyrandi vínum. Þegar við nálguðumst “Stóra eplið” var kveðjustund farþeganna og var ljóst að margir höfðu eignast nýja vini í ferðinni.Lentum á JFK, farþegarnir glaðir og ánægðir en áhafnarmeðlimir allir sammála um að sjaldan, ef ekki aldrei hefði flugleiðin KEF-JFK liðið jafn hratt.  Eftir örlitla tiltekt og tollskoðun var farangrinum komið í bílinn þar sem allar dömurnar í áhöfninni máttu bíða í yfir klukkustund þar sem herramennirnir í stjórnklefanum villtust á alþjóðaflugvellinum þegar þeir þurftu að færa vélina á milli hliða!!  Að sjálfsögðu skiluðu þessar elskur sér að lokum, glaðir og ánægðir með vel unnið verk.  Allir komnir inn á Hilton, sælir og fullir tilhlökkunar.  Afríka handan við hornið…  Örstutt stopp á Madeira í millitíðinni… 

Áhöfnin á flugi FI 1446 - Afríka

Í áhöfn að þessu sinni eru:

 Efri röð frá vinstri:

Gunnar Sigurðsson flugvirki, Linda Gunnarsdóttir flugmaður, Hafsteinn Pálsson flugstjóri, Þórarinn Hjálmarsson leiðangursstjóri, Haraldur Hreggviðsson load master og kokkur, Sigurður Jónsson kokkur

Neðri röð frá vinstri:

Kara Pálsdóttir flugfreyja, Björg Jónasdóttir yfirflugfreyja, Þorbjörg Margeirsdóttir flugfreyja,  Auður Guðmundsdóttir flugfreyja

Elsku fjölskylda, vinir og vinnufélagar verið dugleg að senda okkur kveðju í gegnum vefinn okkar. 

Hugsum til ykkar

Nú styttist óðum í brottför!!

Þarna sjáum við áætlaða flugleið okkar um Afríku!

....

Brottfarar og komutímar eru UTC - það er okkar ástkæri íslenski tími svo þið getið áttað ykkur á hvar við erum hverju sinni

....

13. feb Keflavík - New York 14:30 - 20:00 (UTC -4)

15. feb New York - Madeira 05:30-12:15 (UTC)

16. feb Madeira - Addis Ababa 09:30- 18:00 (UTC +3)

18. feb Addis Ababa-Kilimanjaro 08:00-10:20 (UTC +3)

21. feb Kilimanjaro - Mauritius 09:00 - 13:10 (UTC +4)

24. feb Mauritius - Cape Town 07:30 - 13:50 (UTC +2)

27. feb Cape Town - Mpumalanga 09:30 - 12:05 (UTC +2)

2. mars Mpumalanga - Victoria Falls 08:30 - 10:15 (UTC +2)

4. mars Victoria Falls - Bamako 08:10 - 15:15 (UTC)

5. mars Bamako - Marrakech 15:30 - 18:50 (UTC)

8. mars Marrakech - Azores 10:30 - 13:30

8. mars Azores - New York 14:15 - 20:35 (UTC -4)

9. mars New York - Keflavik 17:00 - 22:30