Ferðalagið frá Höfðaborg til Mpumalanga

Við fengum þær fréttir áður en við lögðum af stað að heiman að Norza sem eru norsk-suður afrísk hjálparsamtök sem styðja fátæka á Höfðaborgarsvæðinu vantaði sængurföt og handklæði.  Einnig vantaði Enza sem eru íslensk – suður afrísk hjálparsamtök (sjá www.enza.is) tölvur.  Við vorum svo heppin að fá gefins 400 kg af sængurfötum og handklæðum hjá Icelandair hótelunum sem Icelandair gefur hjálparsamtökunum.  Einnig fluttum við hingað tölvur fyrir Enza.  Það er því ánægjulegt að við getum gefið eitthvað lítilræði til baka til álfunnar.  A&K fyrir tilstuðlan Tim Gibbons  (farangursstjóra) og fleiri starfsmanna fyrirtækisins söfnuðu miklu magni af hækjum og hjálpartækjum sem þau gáfu í Eþíópíu.  Eiga þeir miklar þakkir skilið fyrir þetta einkaframtak.

  

Við brottför frá Höfðaborg komum við farþegunum okkar á óvart með því að mæta í hefðbundum Icelandair einkennisfatnaði með stuðlabergi og skriðjöklum.  Mamma Masai gaf okkur stelpunum einstaklega falleg armbönd sem við skörtuðum einnig á leiðinni.  Flugið var stutt, einungis tveir tímar en ekkert var gefið eftir í þjónustunni og lekkerheitum. Komum snemma á hótel og höfðum það huggulegt við laugina.  Hlökkum til að eiga “dag hins frjálsa manns” á morgun í anda Mandela.  Danskóli Köru opnaði svo um kvöldið og er engin skortur á nýjum námskeiðum. .

Athugasemdir

[Katrín Rós Gunnarsdóttir, 1.3.2009 kl. 16:55]

kæra áhöfn,

Vá hvað þið eruð glæsileg í stuðlaberginu  og ekki frá því að maður sjái smá skriðjökla í ykkur! Gaman að heyra í þér í gær Linda, greinilega virkilega gaman hjá ykkur.  Smá update að heiman, sit hér með minn litla lasinn í fanginu, þá er ekki leiðinlegt að geta sýnt honum ekta safarímyndir, filamyndin alveg í uppáhaldi, greinilega frændi hans Húna:)  Annars hringdi dóttir Lindu í mig í gær, í miklu dramakasti, hún átti sko bara tvennar buxur og þær svo sko báðar skítugar, pabbi hafði sko ekki sett í þvottavél síðan að mamma fór til Afríku.  Sem sagt við urðum að fara saman í Smáralind að kaupa nýjar buxur.  Sagan var reyndar "aðeins" ýkt hjá henni, enda mikil dramadrottning á ferð, en planið virkaði það vel hjá henni að hún kom út í glænýjum rosalega flottum  buxum! 

Hafið það gott og njótið hverrar mín... katrín sys

[Þvottakonan (IP-tala skráð) 1.3.2009 kl. 18:37]

Þetta með þvottavélina er náttulega alger della, hún hefur ekki stoppað frekar en straujárnið kólnað. Tóti minn ég er búin að fá suzuki fox (bíllinn sem Ólafur Ragnar var með í næturvaktinni) fyrir ykkur Báru í ferðalagið ef ég get ekki klárað bílinn þinn fyrir afmælið, og ef það næst ekki er það bara vegna anna í matar,skeina,þvotta,strauja og læara pakkanum. He he. Kveðja til ykkar allra.

 Húshjálpin.